expr:class='"loading" + data:blog.mobileClass'>

Sunday, January 20, 2013

मेह्बूब आलम र अबको बाटो




- बिराट राय
नेपाली क्रिकेट थाहा नभएकाहरुलाइ समेत मेहबुब आलमको नाम थाहा छ l एक समय थियो उनि नेपाली टिम भन्दा पनि माथिका खेलाडी थिए l मलाई अहिले सम्म पनि याद छ डिभिजन-५ , २०१० हेर्दाको ति दृश्यहरु l मेह्बूब आलम जब बलिंग गर्न आउथे उनको नाम मैदानमा गुन्जन्थ्यो , उनि बलिंग गर्न दौडदा मेह्बूब-मेह्बूब भनि दर्शकहरुको उच्चाहट उत्कर्षमा हुन्थ्यो , यस्तो लाग्थ्यो मेह्बूबले प्रत्यक बलमा विकेटनै झार्छन कि ?
हो बलिंग मात्रै हैन ब्याटिंगमा पनि उनको माग त्यस्तै थियो , उनि ब्याटिंग गर्दै गर्दा दर्शकहरु प्रत्यक बलमा छक्का र चौकाको माग गर्थे l मेह्बूबको क्रेज अहिले सम्म पनि उस्तै छ l
डिभिजन-४ २०१० , एसिसि टि-२० र डिभिजन-३ क्रिकेट को तयारीको लागि जब नेपाली प्रारम्भिक ( ३७ सदस्यीय ) टोलीको घोसणा गर्यो , त्यतिबेला सबैको आँखाले एउटै नाम खोजिरहेका थिए , मेह्बूब-मेह्बूब l तर विगत डिभिजन-४ र एसीसी ट्रफीमा झैँ यसपाली पनि उनका समर्थकहरुमा निराश हुनु बाहेक अरु विकल्प थिएन l
उनको नाम नदेख्ने बितिकै सोसल मिडियाहरुमा असन्तुस्टीका शब्दहरुको लामै लर्को लाग्यो , सबैको प्रश्न एउटै थियो , खै मेह्बूबको नाम ? किन छैनन् मेह्बूब ? 
पक्कै पनि त्यो जायज थियो , एकदिबसिया क्रिकेटमा एकै इन्निंगमा १० विकेट एक्लैले लिएर बिश्व क्रिकेटमै सनसनी मचाएका ई खेलाडीको प्रदर्शन हेर्न कायल हुनेहरु बाट त्यो माग अनौठो अवस्य हैन l 
Mehboob Alam with his Fans ( ACC T20 ,2011 ) 

टि-२० विश्वकप छनौट २०१२ पछि नेपाली टोलीमा स्थान बनाउन असफल मेह्बूब आलम टोलीमा नपर्नुको कारण उनको खराब प्रदर्शन र फिटनेस भनिन्छ तर त्यतिलाइ मात्रै स्टार मेह्बूब आलमलाई टिम बाहिर हुनुको उचित जवाफको रुपमा पक्कै लिन सकिदैन l एउटै प्रतियोगिताको खराब फर्मको आधारमा नेपाली टोलीका प्रमुख खेलाडीलाई बाहिर राख्नु मात्र मेह्बूबलाइ टोलीमा नराख्नु पक्कै पनि न्यायसंगत देखिदैन l
घरेलु क्रिकेट निकै कम हुने नेपालमा खेलाडीहरुले आफ्नो प्रदर्शन देखाउने अवसर निकै कम पाउने गर्दछन त्यसबाहेक आफुलाई प्रमाणित गर्ने अवसर सुन्यनै छ भन्दा फरक पर्दैन l मेह्बूब आलमले टि-२० विश्वकप छनौट पछि खेल्ने पाएनन् उनलाई पूर्णरुपमा तिरस्कार गरियो प्रारम्भिक क्याम्पमानै राख्न जरुरि ठानेनन उनलाई l टि-२० विश्वकप छनौट पछि नेपालले लगत्तै डिभिजन-४ र एसीसी ट्रफी खेल्यो जसमा नेपालले ठुलो सफलता हात पार्यो जसमा मेह्बूब आलम थिएनन् र उनको आवस्यकता पनि खासै महसुस भएन l
कोच पुबुदु दासानायकेको नेपाली क्रिकेटमा आगमन पश्चात नेपाली क्रिकेटको स्तरमा मात्रै हैन , नेपाली क्रिकेट खेलाडीहरुलाई ब्यबसायिक बानीको विकास गर्ने कममा समेत उन्नति भएको छ l दासानायेकेले एउटा अन्तरबार्तामा भनेका थिए " पुरानो रेकर्डको मलाई मतलब छैन , वर्तमानको प्रदर्शन महत्वपूर्ण छ " l हो कोच पुबुदु नेपाली टोलीमा यस्ता खेलाडी चाहन्छन जो बिगत हैन वर्तमानको आधारमा नेपालको प्रतिनिधित्व गर्न लायक होस् र उनको लागि खेलाडीको वर्तमान प्रदर्शन मात्रै हैन , उनको खेल प्रतिको लगाब , लगन , मेहनत , क्षमता चाहन्छन l 
Mehboob Alam The earliest bowler to take all 10 wickets in an ICC international cricket match with limited overs was Mehboob Alam (Nepal) for Nepal against Mozambique in Jersey, UK, on 25 May 2008. The match was contested as part of the 2008 ICC World Cricket League Division V competition.
 नेपाली दर्शकहरु हामी धेरै भावनात्मक छौ तर ठिक उल्टो पुबुदु ब्यबसायिक छन जसमा भावना हैन वर्तमानले ठुलो महत्व राख्छ l कोच दासानायकेले नेपाली टोलीको जिम्मा लिदै सोचेका थिए नेपाली क्रिकेटको आमुल परिवर्तन र उज्ज्वल भबिश्व जसलाई साकार पर्न केहि तिलान्जलीहरु आवस्यक थियो l
पुबुदुको आगमन पश्चात खेलिएको पहिलो प्रतियोगितामा टोलीमा परेका नेपाली टोलीका तत्कालिल प्रमुख खेलाडी विकेट-किपर ब्याट्सम्यान महेश क्षेत्री त्यसपश्चात नेपाली टोलीमा कहिले अटाएनन् , एसीसी टि-२० पछि , टि-२० विश्वकप छनौटमा पूर्व-कप्तान तथा प्रमुख आक्रामक बलर बिनोद दासलाई टोलिमा स्थान दिइएन र मेह्बूब पनि अर्का उदाहरण हुन् जसको बिगतलाई कोच दासानायकेले हेरेनन् l महेश क्षेत्रीले त्यसपश्चात कहिले टोलीमा आफ्नो स्थान बनाउन सकेनन भने बिनोद दासले डिभिजन-४ मा आफ्नो स्थान पुनः प्राप्त गरे अनि मेह्बूब आलम टोलिमा फर्कने कुनै छनक देखिदैन l
कोच दासानायकेका अनुसार उनको फिटनेस र खराब फिल्डिंग टोलीमा नरहनु को कारण हो भने पछिल्लो समयमा कुममा समस्याका कारण बलिंग गर्न नसक्नु झन् ठुलो कारण l
बलिंग अलराउण्डर मेह्बूबले २०१२ को विश्वकप छनौट प्रतियोगितामा ब्याट्सम्यानको रुपमा खेलेका थिए जुन प्रतियोगितामा खेलेको ७ खेलमा उनले मात्र ३४ रन बनाउन सकेका थिए भने , उनले मात्र ४ खेलमा बलिंग गरि मात्र १ विकेट लिएका थिए l उक्त प्रतियोगिताको १ खेलमा ४ ओभर बलिंग गरेका उनले अरु खेलमा मात्र १ ओभर बलिंग गरेका थिए l
बलिंग क्षेमतामा कमि र ब्याटिंगमा पनि आफ्नो धार कम्जोर भए पछि उनलाई नेपाली टोलीमा राख्ने आधार गुमेको विश्लेषकहरु बताउछन l यसैमहिना सम्पन्न रास्ट्रिय प्रतियोगितामा पनि मेह्बूबले निकै कम मात्रै बलिंग गरेका थिए भने ब्याटिंगमा पनि कुनै चमक देखाउन असफल रहे , उनको प्रदर्शन औषत् बाट माथि उठ्न सकेन l
मेह्बूब अब नेपाली टोलीमा नफर्कने अनुमान धेरैले लगाउन थाली सकेका छन l श्रोतका अनुसार मान्ने हो भने उनि टोलीमा नरहनुको कारण उनको आचरण पनि रहेको छ , आफ्नो स्टार छबि उन्म हाबी हुनु पनि उनलाई टोलीमा स्थान नदिनुको कारण हो l रास्ट्रिय प्रतियोगितामा नेपाली रास्ट्रिय खेलाडीहरुले भरिपूर्ण एपिएफ क्लब बाट नखेल्नुले पनि त्यो कारणमा बल पुगेको छ l 
सोसल मिडियाहरुमा महबुब को केहि समय अघि देखिको क्रियाकालापले झनै उनलाई विवादमा धकेलेको छ भने उनमा अब नेपाली टोलीमा फर्कन्छु भन्ने आत्मविश्वास पनि नरहेको पुस्टि हुन्छ l
केहि हफ्ता अगाडीको उनले फेसबुक ग्रुप " नेपाली क्रिकेट फ्याँस अन फेसबुक " मा गरेको कमेन्टले उनलाई निकै बिबादित र फ्यानहरुलाइ पनि खल्लो महसुस गरायो l
" म नेपाली क्रिकेट टिमको लागि खेल्न चाहदिन " उनले यो कमेन्ट गरे पछि उनका समर्थकहरुमा रहेको उनि प्रति रहेको सहानुभूति कम हुनुको साथै उनको निराशा बढेको भान हुने गर्थ्यो l
दशक भन्दा बढी नेपाली क्रिकेट टोलिमा रही नेपालको नाम चम्काउन महत्वपूर्ण भूमिका खेलेका मेह्बूब आलमले लाखौ नेपालीहरुलाई थुप्रै पटक खुसि हुने र शिर उठाउने बातावरण बनाएका छन l नेपाली क्रिकेटको यो अवस्था र लोकप्रियतामा मेह्बूब आलमको ठुलो हात रहेको छ l
राजविराजको निकै पिछडिएको ठाउँ बाट आफ्नो संघर्ष थालेका मेह्बुब आलमले नेपाली रास्ट्रिय क्रिकेट टोलीमा प्रतिनिधित्व गर्न र देशको लागि गरेको योगदानको कुनै मूल्य हुन सक्दैन र उनको प्रतिस्थापन गर्ने अरु खेलाडी अब नेपाली क्रिकेटले पाउने छैन l
हरेक खेलाडीको जीवनमा एउटा त्यस्तो दिन सायद कसैको चाहना हुँदैन तर स्वीकार गर्ने पर्ने बाध्यता l क्रिकेट खेलनै आफ्नो सर्वस्व भएका महबुब आलमका लागि पनि बिगत केहि समय निकै अफ्टेरो रहेको कुरा कसैको सामु लुकेको छैन l जुन चिजलाइनै उनले आफ्नो जीवन बनाए , जुन चिजको लागि आफ्नो सर्वस्व सुम्पिय आज त्यही कुरा बाट उनि टाढा बस्नु उनको लागि कति मुस्किल होला ?
हो फेसबुकको भित्तामा लेखिएका उनका तिता अभिव्यक्तिहरु त्यसैको परिणाम हो l
Mehboob Alam about his selection , posted in the FB group " Nepali Cricket Fans on Facebook "
 सबै कुरा संधै सबैको साथमा हुँदैन l मेह्बूब संग केहि बर्ष अगाडी जे थियो जसको लागि सबैले उनको वाहवाहि गर्थे त्यो शक्ति आज उनि संग छैन जुन कुरा उनले पनि स्वीकार्न सक्नु पर्दछ l उनलाई जति इज्जत सायदै अरु कुनै नेपाली क्रिकेट खेलाडीलाइ दिईएको छ , उनलाई जति माया सायदै अरु कसैलाई माया गर्छन नेपाली क्रिकेट प्रेमीहरु र मेह्बूबले भुल्नु हुँदैन कि त्यो माया कहिले पनि घट्ने छैन l उनि प्रतिको सम्मान अनवरत रहने छ , त्यो टुट्ला भन्ने भ्रम उनले पाल्नु हुँदैन l    
नेपाल क्रिकेट संघले पनि मेह्बूब आलमको मनोभावना बुझ्नु पर्छ l उनको मनस्थिति बुझेर क्रिकेट संघले अब निर्णय गर्नु ढिला गर्नु हुन्दैन , जसका लागि उनि संग संघले सम्बद गर्नु जरुरि छ l एउटा सच्चा अभिभाबक नेपाल क्रिकेट संघ अब बन्ने पर्छ l  नेपाल क्रिकेट संघले त्यस्तो गर्न नसकेमा साच्चै आलमको अपमान हुने छ त्यसैले अब क्रिकेट संघले चाडैनै आलम संग स्वस्थ सम्बाद  गर्नु पर्छ l उनको चाहना अनुसार उनलाई प्रमाणित गर्ने मौका वा उनको सम्मानजनक बिदाइको मौका नेपाल क्रिकेट संघले अब गर्ने पर्छ l 
कृपया ! प्रतिक्रिया दिन नभुल्नुहोला ,तपाइको प्रतिक्रियाले ठुलो मूल्य राख्छ :)  
 

Thursday, January 3, 2013

Nepali Cricket in the Year 2012 ( Records )



Birat Raya , Nepali Cricket , Nepali cricket Records

TOURNAMENT PLAYED by NEPAL : 2012 


1-ACC U-19 Women’s Championship WINNER 
2-ICC World Twenty20 Qualifier :  7th Position 
3-ACC U-16 Elite Cup : 2nd Position 
4-ACC U-19 Asia Cup : Out from group Stage
5-ICC U19 World Cup : 13th Position
6-Pepsi ICC World Cricket League Division 4 : WINNER
7-ACC Trophy Elite 2012 : WINNER 
8-ACC Women's Twenty 20 Asia Cup 
: Out from Group Stage 








2012 BATSMAN of the YEAR : PARAS KHADKA 

Match played : 21 
Innings : 18 
Total Runs : 634 
Highest Score : 106 *
Average : 51.07

Top-3 Best Innings 
- 106 * ( 77 ) , 7 Fours , 4 Six's ( Vs. Kuwait , Acc Trophy )
- 89 ( 96 ) , 10 Fours , 1 Six ( Vs. Malayasia , Acc Trophy )
- 68 ( 62 ) , 7 Fours ( ICC World T-20 Qualifier )  





      


Top-5 Most Runs Scorer for Nepal in 2012 :- 
1. Paras Khadka : 634 ( 21 Match , 18 innings ) 
2. Anil Mandal : 510 ( 18 Match , 18 innings ) 
3 . Gyanendra Malla : 474 ( 21 Match , 19 innings ) 
4 . Subash khakurel : 347 ( 12 Match , 12 innings ) 
5 . Pradeep Airee : 304 ( 21 Match , 17 innings )

Best Innings of 2012 : -
1- Subash Khakurel : 115 ( 142 ) 

Vs. USA ( Division 4 )
2 - Anil Mandal : 113 ( 134 )
 Vs. Denmark ( Division 4 ) 3 - Paras Khadka : 106 ( 77 ) 
Vs. Kuwait ( Acc Trophy )           

     
        

2012 Bowler of the YEAR : Basanta Regmi 

Match Played : 21 
Innings : 21 
Total Wickets : 42 
Best Bowling : 5/20

Top-3 Best Bowling :-
- 5 Wickets ( 9.1-2-20-5 ) 
Vs. Usa , Div 4 Final
- 5 Wickets ( 10-1-35-5 ) 
Vs. USA , Div 4
- 3 Wickets ( 8.1-3-12-3 ) 
Vs. Malayasia , Div 4 



Top-5 Most WICKET taker for Nepal in 2012 :- 
1- Basanta Regmi : 42 Wickets ( 21 match , 21 inning ) 
2- Shakti Gauchan : 41 Wickets ( 21 match , 21 inning )
3- Paras Khadka : 25 Wickets ( 21 match , 20 inning ) 
4- Sanjam Regmi : 13 Wickets ( 18 match , 18 inning )
5- Amrit Bhattarai : 12 Wickets ( 8 match , 8 inning )

Top-3 Best Bowling Spells of 2012 
1- Basanta Regmi : 9.1-2-20-5 
Vs. USA ( Div-4 , Final )
2- Shakti Gauchan : 8.5-1-32-5 
Vs. UAE ( Acc Trophy )
3- Basanta Regmi : 10-1-35-5 
Vs. USA ( Div-4 ) 

( This is not Official Record made by Cricket Association & Other ) 

आखिर यो फरक कहिले सम्म ?



Birat Raya , Nepali Cricket , Nepali Cricket News , Nepali Domestic Cricket


दृश्य केहि भर्खरै सम्पन्न राष्ट्रिय क्रिकेट प्रतिगीयोताको हो ।

Paras Khadka batting vs. Baitadi in the final of Ntnl T20
(Pic- Raman Siwakoti ) 
दृश्य १ :  भैरहावाका ब्याट्सम्यान फैजरुल रहमान शतकको नजिक थिए , टि.यु. मैदानमा उपस्थित लगभग २५०० दर्शकहरु उनको प्रत्यक चौका - छक्काहरुमा ताली र चिच्याहट वर्षाउदै थिए , एपिएफ क्लबका बसन्त रेग्मीको बलमा जब रहमानले चौका प्रहार गरे तब दर्शकहरुले सिट्ठी , ताली र चिच्याहटको ठुलै वर्षा गरे , फैजरुलले पनि दर्शकहरुको अविभादन कुनै अन्तरास्ट्रिय खेलाडीको भन्दा कम तरिकाले स्वीकार गरेनन ।आफ्नो ब्याट र हेल्मेटलाई आकासमा  फैलाउदै उनले आफ्नो उत्कृस्टता प्रदर्शन गर्न चुकेनन् । एपिएफ क्रिकेट टोलि बिरुद्धको उनको शतकले मैदानको माहोलनै तरंगित थियो जस्तो कुनै उत्सबको बातावरण ।

दृश्य २ : सोहि खेलको दोश्रो इंनिंग चल्दै थियो चाडैनै एपिएफले आफ्नो पहिलो ३ विकेट गुमाएपछि ब्याटिंग गर्न मैदानमा रास्ट्रिय टोलि तथा एपिएफ क्रिकेट टोलीका कप्तान पारस खड्का थिए जसले धरमराउला जस्तो एपिएफको पारीलाई सुरक्षित गन्तब्य प्रदान गर्ने काम गरे । पारसले आफ्नो अविजित अर्ध-सतकको माध्यमले टोलिलाई जित दिलाउन सफल भए ,  तर  एपिएफको जितमा मैदानमा कुनै बिशेष माहोल श्रिजना भएन , त्यहाँ न हर्ष थियो न रहस्य । अघिल्लो पारीमा रहमानको १-१ रनमा ताली पिट्ने दर्शकहरुमा उर्जा थिएन । पारस खड्काले छक्का र चौका वर्षा गर्दै अर्ध-सहत प्रहार गर्दा न दर्शकहरुले उनलाई अभिबादन गरे न पारसले कुनै खुसि देखाए ,लाग्थ्यो एपिएफ जित्दा जित्दै थाकेको थियो जित केवल औपचारिकता मात्रै थियो ।

आखिर यो फरक किन ?

एकदिवसीय रास्ट्रिय क्रिकेट प्रतियोगिताको फाइनल खेलले नेपाली क्रिकेटको स्तर प्रस्ट झल्किन्थ्यो । भारतीय ब्याट्सम्यान सचिन तेन्दुलकरको बारेमा एन्डी फ्लावरको भनाइ मलाई यहाँ निर उदृत गर्न मन लाग्यो
" विश्वमा दुइ थरिका ब्याट्सम्यान छन , एक सचिन र दुइ अरु सबै " भलै प्रसङ्ग फरक होला तर  एन्डी फ्लावरको भनाइ संग तुलना गर्न मिल्ने नेपालको घरेलु क्रिकेट पनि त्यस्तै छ " नेपालमा दुइ थरिका क्रिकेट टोलि छन , एपिएफ र दुइ अरु सबै  "। किनकि एपिएफ संग तुलना गर्न मिल्ने नेपालमा अन्य टोलिनै छैनन् लाग्छ नेपालको घरेलु क्रिकेट प्रतियोगिता रास्ट्रिय क्रिकेट टोलि र अन्य टोलि बीचको प्रतिस्पर्धा हो ।

विभागीय टोलि एपिएफ क्लबले क्रिकेट टोलि बनाएर नेपाली क्रिकेटर र नेपाली क्रिकेटको लागि ठुलो गुण लगाएको छ ।  रास्ट्रिय टोलीका अधिकांश खेलाडीहरु अनुबन्ध गरेको क्लबले गर्दानै खेलाडीहरुले नियमित तलब र सुबिधा पाएका छन् , केहि भने पनि नेपालमा क्रिकेट खेलेरै आत्मनिर्भर बनाउन एपिएफ क्लबको योगदानको प्रसंसा गर्ने पर्छ । तर जति एपिएफको प्रसंसा गर्नु पर्छ त्यति नेपाल क्रिकेट संघको आलोचना , सधैको गरिब क्रिकेट संघ पैसाले मात्रै हैन मानसिकताले पनि गरिब छ ।
फर्ममा नरहेका एकजना नेपाली खेलाडीलाई किन टोलिमा स्थान दिइरहेको भन्ने प्रश्नको जवाफमा छनौट सम्बद्ध पदाधिकारीको जवाफ थियो " मलाई त्यसलाई प्रतिस्थापन गर्ने अर्को खेलाडी देखाऊ " । उनि गलत थिएनन् हामी संग रास्ट्रिय टोलिका खेलाडीलाई प्रतिस्थापन गर्न सक्ने खेलाडीको अभाब छ । किनकि खेलाडी निस्कने नेपालको घरेलु क्रिकेटको स्तर निकै तल छ , घरेलु प्रतियोगिता बाट राम्रा र नया खेलाडी निस्कने सम्भावना निकै कम ।
राष्ट्रिय प्रतियोगिता सकिए पछि कप्तान पारस खड्काले एउटा अन्तरबार्तामा भनेका थिए " "घरेलु क्रिकेटको संरचना परविर्तन हुनुपर्छ, अब यही संरचनामा विश्वकपको आशा गर्न सकिँदैन।" उनि जस्तै कोच पुबुदु दासानायके पनि घरेलु प्रतियोगिताको अबधि र स्तर बाट चिन्तित छन , तर नेपाल क्रिकेट संघ भने जस्ताको तस्तै छ ।
Pic. of year 2010 when national Cricketers boycott National league , who protest against CAN 's indifference towards the development of Nepali Cricket . ( pic - Nagarik ) 

जुन जोगी आए पनि कान चिरेका भने जस्तै क्रिकेट संघका पहिले र अहिलेका पदाधिकारीहरु आर्थिक अभाब देखाउने र स्तर बढाउने आस्वासन बाहेक केहि बाँड्न सक्दैनन् । वर्षा सिजनमा हुने घरेलु प्रतियोगिता हिउदमा सारेर मख्ख परेको संघलाई आफ्नो प्रतियोगिताको स्तर बढ्नु घट्नुमा वास्ता भए जस्तो लाग्दैन । ३ हफ्ता भन्दा पनि कम समयमा टि-२० र एकदिवसीय दुवै खाले रास्ट्रिय प्रतियोगिता हतार-हतार सकाउन क्रिकेट संघ हतारिदा प्रतियोगिता औपचारिकता पुरा गर्न मात्रै गरिएको हो कि भन्ने भान सबैलाई पर्ने गर्छ । बर्षमा गर्ने एउटै रास्ट्रिय प्रतियोगिताको यो हालतले नत प्रतियोगितामा प्रतिस्पर्धा हुन्छ न त प्रतिभा निस्कने सम्भावना नै । अनि कसरि दिन सक्छन त रास्ट्रिय खेलाडीले भरिपूर्ण एपिएफलाई चुनौती ?

डर ! लाग्छ सायद नेपालको हालत पनि केन्या जस्तै हुने हो कि ? २००३ को विश्व-कप क्रिकेटको सेमी-फाईनल यात्रा तय गर्न सफल केन्या क्रिकेट टोलिलाई जब २०१२ मा नेपाली क्रिकेट टोलिले माथ दियो तब आफ्नो देशमै र विश्वमा केन्या क्रिकेट टोलिको ठुलो आलोचना भयो । केन्याले आफ्नो घरेलु क्रिकेटमा ध्यान नदिदा होनहार अघिल्लो पुस्ताको प्रतिनिधित्व गर्ने खेलाडी उत्पादन भएनन् जसले गर्दा आफ्नो बिगतको स्तरलाई निरन्तरता दिन सकेन । कतै केहि वर्षमा हाम्रो हालत पनि त्यस्तै त हुने हैन ? शक्ति गौचन , पारस खड्का र बसन्त रेग्मी जस्ता खेलाडीहरु भविष्यमा उत्पादन नहुने पो हो कि ?
नेपाली क्रिकेट टोलिले क्रिकेट खेलमा छोटो अबधिमै पाएको सफलताको कारण नेपालीहरुको लडाकु स्वभाब , जितको भोक र प्राकृतिक क्षमतालाई जान्छ । सुबिधा कम भए पनि स्तर  र आशाहरु निकै माथि भएको नेपाली क्रिकेट यो भन्दा माथि उकास्न अब पनि नेपाल क्रिकेट संघ सुस्ताउन हुँदैन । घरेलु क्रिकेटलाई मजबुत बनाउन प्रतियोगिताहरुको आयोजना र स्तर बढ्नु अत्यन्त जरुरि छ जसको लागि नेपाल क्रिकेट संघले प्रायोजक र अभिभाबक संस्थाहरुमा उचित पहल गर्न जरुरि छ । उपत्यका  बाहिर पनि क्रिकेटको स्तर वृद्धि हुन अत्यन्त जरुरि छ , जहाँ बाटनै प्रतिभाहरुको मूल फुटाउनु पर्छ ।
क्रिकेटनै नेपालको एकमात्र यस्तो खेल हो जसले नेपाललाई विश्वमा चिनाउन छोटो समयमानै सफल भएको छ र अझै ठुलो फड्को मार्ने सम्भावना भएको एकमात्र खेल पनि यही नै हो तसर्थ नेपाल क्रिकेट संघले यस खेलको महत्व दर्साइ यसमा लगानी र सहयोगको लागि सरकारलाई बिश्वासको बतारण बनाउनु पर्छ । यसो हुन सके मात्र नेपाली क्रिकेट टोलिले केहि समय यता अन्तरास्ट्रिय क्रिकेटमा पाउदै आएको सफलताले दिर्घ रुप लिन सक्ने छ ।
संधैको दैब भोरोषामा नेपाली क्रिकेटले ठुलो फड्को मार्ने कुरा दिवा-सपना मात्रै हो अब पनि नेपाल क्रिकेट संघले घरेलु क्रिकेटलाई बेवास्ता गर्छ भने भबिस्यको पतनलाई कसैले रोक्न सक्ने छैन ।